Um verkefnin

Grindavíkurnefnd er ætlað að stuðla að öflugu atvinnulífi í Grindavík.

Fyrir náttúruhamfarir var mjög öflugt atvinnulíf í Grindavík. Seigla þess og þróttur reynst mikill því mörg þessara fyrirtækja hafa haldið út að vera með starfsemi þó vissulega hafa öll fyrirtæki bæjarins orðið fyrir neikvæðum áhrifum af völdum jarðhræringa og eldgosa. Sjávarútvegur og ferðaþjónusta eru umfangsmestu atvinnugreinar bæjarins.

Mörg fyrirtæki í Grindavík hafa aðlagað rekstur sinn breyttum aðstæðum. Í boði hafa verið stuðningsaðgerðir stjórnvalda. Fyrst voru stuðningur til fyrirtækja til greiðslu launa svo halda mætti ráðningarsambandi við starfsmenn. Jafnfram var farið að greiða rekstrarstuðning. Reyndust þessar aðgerðir mörgum fyrirtækjum vel. Nú hefur stuðningur við fyrirtæki færst meira í að styðja fyrirtæki til að aðlagastbreyttu rekstrarumhverfi.

Jarðhræringar og eldgos í Grindavík opnuðu sprungur á yfirborði jarðar sem með tilheyrandi hættu. Aðgengi að Grindavík veðrur ekki öruggt nema að brugðist sé við með viðgerðum. Viðamikið rannsókarnverkefni af sett af stað fljótlega eftir að mestu jarðhræringar urðu til að kortleggja skemmdir og undirbúa viðgerðir. Var það unnið á vegum Almannavarna en aðkoma Grindavíkurnefndar að því verkefni var talsverð enda nefndinni ætlað að standa að viðgerðum.

Verkfræðistofan Verkís hefur haft með höndum verkefnisstjórn jarðkönnunarinnar en átt samstarf við fleiri aðila þar um. Markmið verkefnisins var að meta umfang sprunguhreyfinga og áhrif þeirra á innviði, auk þess að leggja grunn að áframhaldandi vöktun og viðbrögðum.

Öruggt aðgengi að Grindavík er forsenda þess að öll önnur endurreisn geti hafist í bænum.

Grindavíkurnefnd hefur útbúið aðgerðaáætlun um farsæld og samfélagslegan stuðning við Grindvíkinga. Áætlunin hefur verið send forsætisráðherra til staðfestingar.

Grindavíkurnefnd rekur þjónustuteymi Grindvíkinga. Hlutverk þjónustuteymis Grindvíkinga er að hlúa að íbúum Grindavíkur og stuðla að farsæld þeirra til framtíðar.

Teymið samanstendur af sérfræðingum sem vinna að málum Grindvíkinga á þverfaglegan hátt og eru með fjölbreytta þekkingu og reynslu. Þar á meðal eru sálfræðingar, félagsráðgjafar, lýðheilsufræðingur og sérfræðingur í skólamálum. Þjónustuteymið getur einnig átt samskipti við sveitarfélög þar sem Grindvíkingar hafa komið sér fyrir, sé þess óskað.

Teymið er til húsa í Borgartúni 33 í Reykjavík.

Hægt er að sækja um ráðgjöf hjá teyminu eða hafa samband í síma 545 0200.

Heimasíðu þjónustuteymisins má nálgast hér: https://island.is/v/fyrir-grindavik

Grindavíkurnefnd rekur þjónustuteymi Grindvíkinga. Hlutverk þjónustuteymis Grindvíkinga er að hlúa að íbúum Grindavíkur og stuðla að farsæld þeirra til framtíðar.

Teymið samanstendur af sérfræðingum sem vinna að málum Grindvíkinga á þverfaglegan hátt og eru með fjölbreytta þekkingu og reynslu. Þar á meðal eru sálfræðingar, félagsráðgjafar, lýðheilsufræðingur og sérfræðingur í skólamálum. Þjónustuteymið getur einnig átt samskipti við sveitarfélög þar sem Grindvíkingar hafa komið sér fyrir, sé þess óskað.

Teymið er til húsa í Borgartúni 33 í Reykjavík.

Hægt er að sækja um ráðgjöf hjá teyminu eða hafa samband í síma 545 0200.

Heimasíðu þjónustuteymisins má nálgast hér: https://island.is/v/fyrir-grindavik

Í kjölfar náttúruhamfara eins og þeirra sem hafa orðið í og við Grindfavík þarf að huga að endurrreisn. Það þarf að vera ítarleg rammaáætlun um hvernig skuli brugðist við og hagað uppbyggingu til framtíðar. Ætlunin hefur alltaf verið að byggja upp gott og farsælt samfélag í Grindavík eins og það var áður. Þeir sem áður bjuggu í Grindavík og aðrir sem vilja setjast að í Grindavík geta þannig haft þær ráðagerðir í sínum framtíðarplönum. Það er einnig mikilvægt atvinnulífi að sjá fram í tímann og geta hagað sínum rekstri miðað við að halda þar áfram og helst að byggja upp og fjárfesta.

Þó landris sé enn í gangi og búast má við fleiri eldgosum á næstunni verður að hugað að endurreisn. Áform þurfa þá mögulega að endurskoðast ef atburðir verða þannig.

Allt frá því brugðist var við núverandi hrinu atburða hefur verið unnið að einstökum verkefnum sem telja má til endurreisnar. Má þar nefna fylling á jarðsprungum, stuðningur við atvinnulíf og skipulag bæjarlandsins í Grindavík.

Grindavíkurnefnd hefur ýmis verkefni með höndum. Auk þeirra verkefna sem talin eru upp í 3. gr. laga nr. 40/2024 skal nefndin hafa heildaryfirsýn yfir málefni Grindavíkurbæjar vegna þeirra úrlausnarefna sem tengjast jarðhræringum í sveitarfélaginu, í samvinnu við Grindavíkurbæ, önnur stjórnvöld og aðra hlutaðeigandi aðila.

Eitt af verkefnum Grindavíkurnefndar er að hafa yfirumsjón með framkvæmd nauðsynlegra viðgerða á götum, stígum og opnum svæðum sem Grindavíkurbær er ábyrgur fyrir, sbr. f-liður 1. mgr. 3. gr. laga nr. 40/2024 um framkvæmdanefnd vegna jarðhræringa við Grindavíkurbæ.

Eitt af verkefnum Grindavíkurnefndar er að annast um könnun á jarðvegi/jarðskoðun vegna jarðhræringanna sem skekið hafa Grindavíkurbæ og nágrenni, sbr. e-liður 1. mgr. 3. gr. laga nr. 40/2024 um framkvæmdanefnd vegna jarðhræringa við Grindavíkurbæ . Þetta er verkefni sem almannavarnir/embætti ríkislögreglustjóra hóf áður en nefndin tók til starfa þann 1. júní 2024, en nefndin og almannavarnadeild ríkislögreglustjóra hafa síðan haft samstarf um verkefnið.