Framkvæmdanefnd um málefni Grindavíkur (Grindarvíkurnefnd) er fjölskipað og sjálfstætt stjórnvald sem hefur með höndum fjölþætt verkefni sem snúa að úrlausnarefnum sem tengjast jarðhræringunum við Grindavík. Nefndin skal hafa heildaryfirsýn yfir málefni Grindavíkurbæjar vegna þeirra úrlausnarefna sem tengjast jarðhræringum í sveitarfélaginu, í samvinnu við Grindavíkurbæ, önnur stjórnvöld og aðra hlutaðeigandi aðila. Markmið nefndarinnar eru að tryggja skilvirka og hagkvæma úrlausn verkefna vegna jarðhræringa í Grindavíkurbæ, hlúa að íbúum, stuðla að farsæld þeirra til framtíðar og styðja við öflugt atvinnulíf í Grindavíkurbæ. Þannig er grunnur lagður að því að Grindavíkurbær verði öruggt samfélag með trausta innviði og þjónustu sem miðar að þörfum samfélagsins.